FEPO | Papiamento

Haya Solucion pa Bo Problema di Oido

FEPO - e "Fundacion pa Esnan cu Problema di Oido" ta conoci na Aruba pa su experticio den atende, conseha y sostene ciudadanonan cu tin di problema menor te mayor cu captacion di sonido, sea den combersacion of di otro indole; pa su guia na mayornan cu yiunan cu problema di oido, y pa su concientisacion pa ciudo di oido, pa prevencion y tambe pa haya comprension pa esnan cu tin dificultad pa scucha, tende of capta sonidonan necesario pa por comunica satisfactoriamente cu otro conciudadano.
FEPO ta reconoci pa Gobierno di Aruba y ta traha den cooperacion estrecho cu AZV - e fundacion di seguro medico general di Aruba.

Tareanan Principal di FEPO

Tur ciudadano cu problema di oido por acudi na FEPO cu un carta di referencia di su dokter di cas pa un test gratis di e calidad di su oido, of riba su mes contra pago di un tarifa hopi abao, y ricibi conseho encuanto su problema y ser referi na un specialista di horea pa por bin na remarca pa un aparato di horea for di Fepo, adecua pa su condicion. E costo di e aparato(nan), si tin aprobacion di specialista y AZV, ta ser carga parcialmente pa su seguro general medico y pues ta rekeri solamente un aporte personal modera di banda di e reci- piente.
Tambe FEPO ta duna servicio logopedico den caso cu esaki ta nece- sario tanto na esun cu problema di oido of na mayornan di mucha- nan cu problema di oido mas severo.
Pa muchanan cu ta sordo FEPO ta haci tambe evaluacion di posibi- lidad di implante cochlear via e Centro di Audiologia bao guia di FEPO, pa muchanan cu a ser diagnostica cu problema di sordera den chequeo post-natal na Fundacion Wit-Gele Kruis.

Haya Solucion pa Bo Problema di Oido

Tareanan Principal di FEPO

Mas Info

Contact Nos